د وطن د يو نامتو ملي، ادبي، فلسفي، سياسي شخصيت شاعــر او ليکوال شهيد جنرال سيدحسن حسن” شيــون
د وطن د يو نامتو ملي، ادبي، فلسفي، سياسي شخصيت
شاعــر او ليکوال شهيد جنرال سيدحسن حسن” شيــون”
مشهور شعر وطنه زار وطنه چې د ډيرو کلنو راهيستي د
وطن د مينانـو ورد زبان دي ګرانـو لوستونکو تــه وړانـدي کوو.
د خپلواکى وږمه اداره ( نسيم آزادى)
وطنه زار وطنه
غمونــه ستا مې شــوه پـه زړه بانــدې انبار وطنه
وطنه زار وطنه
ستا پـه کـړاو کې مې وجود شـه ټول بيمار وطنه
وطنه زار وطنه
د ستــــا لــه غصه و غم
د ستــــا لـــــه درد و الم
ليمه مې ډک شوه له نم
زړګى مې غوڅ شـو قلم
لـــــه ستــرګو وينى تويـوم، ژاړم کوکــار وطنه
وطنه زار وطنه
ته وې څښتن د لوى نام
ستـــا و عـــزت احتـرام
خلکــو سبــا و ماښـــام
کاوه بـه تــا تــه ســلام
نـن د اولاد دى خــوار و زار پــه هــر ديــار وطنه
وطنه زار وطنه
ستــا حوايج دي بسيار
ستــا ضــرورت بيشمار
که ته ملا تينګــه د کار
و نــه تــړې پــه زيــــار
پاتې بـه نـور هـم بيرتـه شې لــه خپل قطـار وطنه
وطنه زار وطنه
ته وې مشرق د سـر تاج
اخيست دې باج خــراج
نـن ضـــرورت احتيـاج
ډرنـه خــــراب که رواج
د پښو لانـدې شوي د ايشيا د ســر دستــار وطنه
وطنه زار وطنه
سترګې دې پورته که جان
وګوره حــال د زمـــــان
واړه مخلوق د جهـــــان
مشغول د علم و عرفـــان
زامن د ستــا اختــه پــه چــرس او په قمـار وطنه
وطنه زار وطنه
لـــه تــا نـــه تلـلي اقـوام
پـه مخکې څومــره ايـام
کـه غــواړې هغـــه مقـام
لږ په سرعت واخلـه ګام
د عـزم و همت په مـخ کې نشته خنډ و خـار وطنه
وطنه زار وطنه
علـم و هنــــــــر نلـــرى
ځکـــــه خبـــــر نلـــرى
خپل يـو دا کتر نلـــرى
يــو کمپوډر نلــــــرى
تختـه د مشق ده ستــا مريض د هــر اغيار وطنه
وطنه زار وطنه
ستا محبت پـه ضمير
واجب د شــاه و فقير
ستــا ودانــې و تعمير
فرض د صغير و کبير
خاونــد دې ساتـــه د پـردي لـــه استعمـار وطنه
وطنه زار وطنه
ستــا احتياج و ضرور
کـړم نا علاج و رنځور
د عندليب پــه دستور
راته فرياد شو منظور
زه سيدحسن ژړا شيـون مې دې شعـــــار وطنه
وطنه زار وطنه
برگرفته از کتاب: برگى چند از نهفته هاى تاريخ
در افغانستان (چاپ دوم)
تاليف: خالد صديق چرخى
